Google ADS

Mourinho rrezikon të mbetet pa punë

12:03 | 7 Tetor 2023
K.B

Puna e Jose Mourinhos mund të jetë në rrezik pasi raportohet se Roma mund ta shkarkojë atë nëse skuadra e tij humbet nga skuadra e fundit e Serie A, Cagliari.

Kështu kanë thënë burime të “Corriere dello Sport” dhe kjo vjen pas fillimit disi indiferent të Romës këtë sezon në Serie A.

Nëse Giallorossi humbin ndaj Cagliarit, ashtu siç bënë kundër Veronës dhe Genoas – që të dyja janë poshtë Romës në tabelë – atëherë menaxheri portugez mund të lirohet nga detyrat e tij.

Edhe fitorja e thellë ndaj Empolit 7-0 si dhe rezultatet pozitive në dy ndeshje në kuadër të Ligës së Evropës, nuk pritet t’ia lehtësojnë punën Mourinhos.

Nëse Bordi merr vendimin dhe e shkarkojnë Mourinhon pas ndeshjes së të dielës, atëherë ky do të ishte largimi i pestë në karrierën e 60-vjeçarit që ia shkëpusin kontratën.

Daniel Levy ishte personi i fundit që e shkarkoi atë nga Spurs në prill 2021.

Nëse Roma diton në Cagliari të dielën, do të ishte fitorja e parë si mysafir në ligë këtë sezon. /Klankosova.tv

Shpërndaje në rrjete sociale

Lajmet më të lexuara

Të ngjashme

Foto lajm